|
يا مرحبا بمن ياني
يشكي عويج قلوبْ من ديرة الخلان ِ ماله أبد عذروبْ شده هوى الولهان ِ لي هبّ شرْتـَى غروبْ موقه سكيب مزاني و حزنه يشب لهوبْ عتب حلمك علي ياليل لا تشعّل نجومك يحرقني منها الضيْ و من لي بغيرك فـَيْ يطفي الحضب ياليل من رمشة جفونك قالوا العتب ع الليل يفتح دواوينه تقرا العذاب قلوب وشرع الهوى مكتوب ياللي نهاره غروب ياحب...محرومك ! اللي يقول الليل أصل الشقا و الويل عتمة و عذاب و ألم لونه مرار و عدم يسقي الـ يحبه ندم مجنون ويلومك صمت الليل ليت صمت الليل يعزف ليت همس البوح ينزف ليتني طير ف سماك اشعل حروفي و ارفرف يا نسيم الشوق سافر للذي قلبه مهاجر بلـّغه أنات دمعي قرحت مني المحاجر ما احتمل فرقاه ليله نفسي في حبه قتيله من يداوي لي جروحي و يبري ها النفس العليلة ؟ عمري قبلك عمر ثاني ما حسبته من زماني بس بعدك صار عمري أحسبه بعدّ الثواني الـــــوفا
كنت أدور .. كنت أقول و ما لقيت إلا الحروف تنبت ف صحرا القصيد كل ألوان الشجرْ و القلوب اللي هجرها من زمن نبض المعاني ما لقت إلا على حروف القوافي كل صواريها تـُمرْ يا مواني حيرتي لا تسكنيني بالهموم و الحزن يكفي ياللي بداخلي يوقد حشاي و يستعـرْ كنت أدور عن صديق يسكنه نبض الوفا و ما لقيته ! ما بقى للناس في الدنيا وفا و ما بقى لك يا الوفا غير أوراق و حبر ْ آه من غدر الزمان لا تقلب في المواجع لا تخلي الحرف ينطق و النبض ينزف ألم صار كل الكون يمشي للورا لا اتعجب ! أنت بس اللي تظن الدنيا ما تسوى ولا تراب القدم كلها الدنيا مصالح و الفضيلة ع الرفوف من يقرب صوبها أو يجرب لمسها تنزف جروحه ندم من يقول الأرض يسكنها بشر كانوا في يوم بشر بس هذا اليوم تسكنهم شياطين الرقم كل شي محسوب فيها بالقلم الرجولة الشهامة الأمانة و الوطن كل شي .. فيها بثمن جملة الدنيا بما فيها عبارة عن إسم و ين مكتوب الإسم ؟ في البنوك وفي الأراضي في التجارة و كم تملك من عقار من سهم ! من عدم جينا لها الدنيا نعمر أرضها * * و النهاية ! ! ما لنا إلا العدم قصيدة بمناسبة زفاف أرن
أقبلت تختـال وردة أحلى من كل الورودْ للعطر و الطيب ندّه نفحها مسك(ن) وعودْ إن مشتْ ، تمشي بتأدّه ما تماثلها عنـودْ ! من أرَنْ نور(ن) تبدى يخجل الصبح الرّؤودْ في جمال(ن) ما يجِحْده غير نمام(ن) حسودْ عفه و أخلاقْ و مودّهْ تفرّدتْ عن كل خودْ لي سقاها الزين شهده ماعلى المزيون زودْ و الـ حظى بها اليوم سِعْدَه فاز بالدرّة الخَرودْ بنت لي كلّ (ن) يودّه خالد العالي النجودْ شيخ ما ينطال حدّه منفرد خلق(ن) وجودْ و الخلايق لي تعدّه فوق هامات الريودْ الفرح هالليلة وعده جاوبوني يا شهود ألف لمبارك يا وردة يا للي جمّلت ِ الوجود يحفظك ربي بعهده و يعل نجمك في صعود السؤال العنيد يا السؤال اللي رسم ذاك القصيدْ يا الرسالة و الحنين اللي احتواها و الغناوي و الرجاوي تقلب الكون و تعيدْ حارت حروفك تدوّرْ عن محطات الوصولْ و الطريق اللي بغيته يا صديقي ما يوصل بس يطولْ يزرع الصمت ويزيدْ ، ، نبتة كانت بصحرا و المطر عذب ٍ هطول ارتوت ، طالت وصارت دوحة الظل المديدْ و اثمرت طلع ٍ نضيدْ و للزمن حكمة تقول يا رشيد الأصل ثابت رغم جور الريح و الإعصار و أمواج السيول هذي دوحة تشمخ لثامن سماها تغزل الوقت و تميدْ ، ، و جيت يا العابر سبيل تستظل بظلها من حرور الشمس من لفح الهجير السفر أعياك و الترحال يشعل الجوف ويقيدْ و السؤال عن لي حصل ..؟ أيّ هو درب السعادة وأيّ هو درب الزلل..؟ شوف قلبك هو دليلك في العذاب وفي السهر في المواعيد اللي تمر ولا تمر تخنق الذكرى تعلقها على باب الذهول تنزف الوقت العنيد ، ، يالصديق هذا هو شرع الهوى لا يتوهك السؤال ليش ، كيف و هل ترى أم يا ترى ...! حيرتك الأسئلة و الإجابة و اليقين إنسى كل الممكنات ما يجب إنه يكون، أو لا يكون بس تذكر شي واحد يحسم الأمر المفيد إنتْ تملك لي تريده وهوَ يملك لي يريدْ يا حبيبي
يا حبيبي إنْ بعَــدْتْ أشــقـَى بشـوقي و إنْ قربْتْ ضلوعي ما تِحْمِلْ خُفوقي و اســرح ف دنيــا غـرام ٍ مسْـتهيــم أذرف الدمـعــات في عشـق ٍ شــفوق والضماير منْ لظـَى شـوقْ المعـنـّى نـارها تشْعـِـلْ من الحُمْيـا عـروقـــي إن نبَـا صوتــكْ يناجـيـني ضـميـركْ و ألـقَ روحـي شدها شْرتَى الشـروق إنْ تخَيـّـلـْـتـِكْ حبــيـبي في عـيــونــي فــــزّ قلبـي من مكـانه و ما اسْــتـِكانْ ويعـْـتريني م الهُواجـسْ يا ضـنـيـنـي حتى ما جـني إليـــف ٍ بالمـــــــكـانْ و انتــظر من صـوتكْ الحاني يجينـي يـنـتـشــلنــي م الخيــال و م الزمـــانْ يا الغــلا يالــيت من بعــد الحــنيـــن تـلتـقي روحـي و روحـك ف الأمــان زمانــي زماني .. يا عذابي من زماني حسبته عارف ٍ عذب المعاني أثر الأيام خدعتني بقربه و قلبه هايم ٍ في حب ثاني رسمته لوحة ٍ في وسط قلبي ولونته بأحلام الأماني و شفت الكون جنة في عيونه و نبع صافيٍ عذبٍ سقاني تمنيت الهوى يجتاح قلبي و ربي ما تمنيته عطاني جعل قلبي أسيرٍ في غرامه و لوعني من الشوق و شقاني سلب عقلي سلب روحي و ذاتي و نومي فارق عيوني و جفاني و يوم اشتد عوده في غرامي سحب سهمه وفي قلبي رماني و انا اللي ماحسبته ف يوم يسلى لكن للاسف خلـّي أناني نسى كل الذي بيني و بينه و في الآخر رحل عني و نساني و علقني على مصراع حبه بعد ما صوع القلب و كواني بتوب من الهوى و بهجر دروبه و كفاني ما جرى منه كفاني مغـرور يا الانســان مغـرور يا الانســان مغــرورْ غـرتك دنيـا المـال و الـزاد شاخص بصرك لعالي الـدورْ هـذا الدهــر زايـــل بالوكــادْ لـــو بالتكبـــــر تخـلد دهــورْ جان ما فنى فرعون الاوتــادْ ما يدوم عــــــز معــدنه جـورْ و لا بالخـديعة تنبنـى بــــلادْ لي ينشـــرى بالمـال مأجـورْ وما يئتمـن لي خـان الاسـيادْ يا حيف من نفس ٍ بها شــرورْ للظـــــالم الغـــدار تنقــــادْ نفـــــس ذلـــيلة مالهــــا دورْ غير النهب من رزق العبــادْ فـُــلكْ الكــرامة فوق البـحورْ يســـبح في يَـمْ العـــز ميــّــادْ و نجم الثريا في السما يـــدورْ نـوره على الأرضيــن وقـادْ راعي الأصل هااليوم مغدورْ اللي حفـــظ تاريـخ الاجـدادْ و اللي بعزمه شادت قصــورْ من الثقــافـة وعـــز الامجــادْ ذكره في وسط القلب محـفورْ يا من بفعـــله تشمـخ أجـــيادْ ياللي بطيب الخــلق مشــهورْ ع ا لجـود و الأحسان معـتادْ يصبح ضحية غــدرٍ و جــورْ من أقرب انسـان ٍ له اســنادْ يا اللي في شفـّه تحمـّل دهــورْ من ظـلم عـــدوان ٍ وحســـادْ ما خالـفه في يــوم في شــورْ وضحى لأجله بزوج و أولادْ في ليـــلةٍ يســـرون ببـــرورْ فيها القمر و نجــومها اشـهادْ مـا لان قلب تحكمه شـــرورْ أجسَـى عليهم من يـبَلْ صــادْ لا يا صقــر لا تكون مغـرورْ تطعن عضيدك بخنجر عنـادْ من هوعوض عن حُرالصقورْ بو مـــايد ٍ يا نســل الاشـــدادْ بفراق خـــالد هاجت بحـــورْ و دمـــع ٍغزيــرٍ جرّح فـــوادْ كــل ٍّ نــذر للـــرب بنــــذورْ صوم و صلاة وحج وامــدادْ برجــوع خــالد بيسـفر النـورْ اللي انطفي من يوم الابعــــادْ و ترد حــياة(ن) فارقـــــت دورْ ناس و بشـــر وبحور وبـلادْ عــودتك خـــالد سعد وسرور ســاعة رجوعك عيد الاعياد |
المؤلففواغي القاسمي الديواننبطيات الأرشيف
July 2016
العنوان
All
|
شرفات الليل
RSS Feed
